न्यूयोर्क मेयर चुनाव : माम्दानीको अग्रता कायम, स्लीवा ‘किङमेकर’ बन्न सक्ने अनुमान

न्यूयोर्क – न्यूयोर्क सिटीमा मेयरको चुनाव नजिकिँदै गर्दा नयाँ सर्वेक्षणहरूले डेमोक्रेट उम्मेदवार जोहरन माम्दानीको अग्रता कायम रहेको देखाएका छन्। तर रिपब्लिकन उम्मेदवार कर्टिस स्लीवाले परिणाममा निर्णायक प्रभाव पार्न सक्ने विश्लेषण आएको छ।

एमर्सन कलेज/PIX11/The Hill को पछिल्लो सर्वेक्षण अनुसार माम्दानीले स्वतन्त्र उम्मेदवार एन्ड्र्यू कुओमोमाथि स्पष्ट २५ अंकको अग्रता लिएका छन् – माम्दानी ५०%, कुओमो २५% र स्लीवा २१% मा छन्।

मारिस्ट पोलले पनि माम्दानीलाई १६ अंकको अग्रता दिएको छ। सो सर्वेक्षणमा माम्दानी ४८%, कुओमो ३२% र स्लीवा १६% मा छन्।

तर सुफोल्क युनिभर्सिटीको पछिल्लो सर्वेक्षणले माम्दानीको अग्रता घट्दै गएको संकेत दिएको छ। नयाँ अंक अनुसार माम्दानी ४४%, कुओमो ३४% र स्लीवा ११% मा सीमित छन्।

विश्लेषक डेविड पालेओलोगोसका अनुसार, “स्लीवाका मतदाताले दोस्रो रोजाइमा कुओमोलाई समर्थन गर्ने सम्भावना भएकाले उनी नतिजामा निर्णायक बन्न सक्छन्।”

क्वीन्सका राज्यसभा सदस्य माम्दानीले आफूलाई डेमोक्र्याटिक सोसलिस्टका रूपमा प्रस्तुत गर्दै युवा र अश्वेत मतदाताबीच बलियो समर्थन पाएका छन्।