न्यूयोर्कको मेयर चुनावमा जोहरन मम्दानीको दृश्यात्मक अभियान
न्यूयोर्क – न्यूयोर्क सिटीको मेयर चुनावमा जोहरन मम्दानीको प्रचार शैलीले विशेष ध्यान खिच्यो। नीलो र सुन्तला रंगको पोस्टर, पुरानो बलिउड पोस्टर र शहरका बोडेगा, ट्याक्सी, हलाल कार्ट जस्ता दृश्यबाट प्रेरित थिए।
फिलाडेल्फियाका ग्राफिक डिजाइनर अनीश भूपथीले तयार पारेको यो डिजाइनले पुरानो हस्तलिखित साइन र कमिक शैलीलाई झल्कायो। यसले शहरको कामदार वर्गको जीवनशैलीलाई प्रतिनिधित्व गरेको विज्ञहरूले बताए।
मम्दानीका मुख्य प्रतिद्वन्द्वी एन्ड्र्यु कुओमोले समेत बीचमा आफ्नो लोगो परिवर्तन गर्दै नीलो–सुन्तला रंग अपनाए, जुन मम्दानीको शैलीसँग मेल खान्थ्यो।
मम्दानी न्यूयोर्कको पहिलो मुस्लिम तथा दक्षिण एसियाली मूलका मेयर बन्नेछन्। उनी प्रख्यात प्राध्यापक महमूद मम्दानी र फिल्ममेकर मीरा नायरका छोरा हुन्।
विशेषज्ञहरूले मम्दानीको अभियानलाई “साहसी, विशिष्ट र समुदायसँग जोडिएको” भन्दै प्रशंसा गरेका छन्। उनका पोस्टरहरूले पुराना राजनीतिक समयको सकारात्मक भावनालाई जगाएको र युवाहरूमा लोकप्रियता पाएको बताइन्छ।
