न्यूयोर्कका नवनिर्वाचित मेयर मम्दानीले गरे पदभार ग्रहण अघि राष्ट्रपति ट्रम्पलाई फोन गर्ने घोषणा
न्यूयोर्क – न्यूयोर्क सिटीका नवनिर्वाचित मेयर जोहरान मम्दानीले पदभार ग्रहण गर्नु अघि राष्ट्रपति डोनाल्ड ट्रम्पलाई फोन गर्ने योजना सार्वजनिक गरेका छन्। एक अन्तर्वार्तामा उनले संघीय सरकारलाई शहरमा ठूलो संख्यामा ICE एजेन्ट वा नेशनल गार्ड पठाउनबाट रोक्ने रणनीति अपनाउने बताए।
मम्दानीले भने, “यो सम्बन्ध शहरको सफलताका लागि महत्वपूर्ण हुनेछ, त्यसैले म पदभार ग्रहण गर्नुअघि नै ह्वाइट हाउससँग सम्पर्क गर्नेछु।” उनले प्रतिपक्षीसँग पनि सहकार्य गर्नुपर्ने जिम्मेवारी आफूले लिएको उल्लेख गर्दै ढिलो नगरी कदम चाल्नुपर्ने बताए।
उनले गभर्नर क्याथी होचुलसँग पनि ट्रम्प प्रशासनबाट आउने दबाबलाई कसरी सामना गर्ने भन्ने विषयमा छलफल भएको पुष्टि गरे।
राष्ट्रपति ट्रम्पले यसअघि न्यूयोर्कवासीलाई एन्ड्र्यु कुओमोका पक्षमा मतदान गर्न आग्रह गरेका थिए। उनले मम्दानीसँग कुरा गर्ने र “साहाय्य गर्ने सम्भावना” रहेको भने पनि, संघीय कोष कटौती गर्ने धम्की समेत दिएका छन्।
यसैबीच, सीमा सुरक्षा प्रमुख टम होमनले न्यूयोर्क जस्ता ‘स्यान्क्चुअरी सिटी’मा ठूलो संख्यामा ICE एजेन्ट पठाउने घोषणा गर्दै “मम्दानी भए वा नभए, न्यूयोर्कलाई सुरक्षित बनाउने” बताएका छन्।
अस्तोरियास्थित Mokafe Coffee Shop मा भएको अन्तर्वार्तामा मम्दानीले ट्रम्पलाई फोन गर्दा भन्न चाहने कुरा खुलाए: “म यहाँ शहरका सबै बासिन्दाको हितका लागि काम गर्न तयार छु। जहाँ सहकार्य सम्भव छ, म तयार छु। तर यदि त्यो न्यूयोर्कवासीको हितविपरीत भयो भने, म त्यसविरुद्ध लड्नेछु।”
