JFK का नाति ज्याक श्लस्बर्ग न्यूयोर्कमा अमेरिकी प्रतिनिधि सभा चुनावमा उम्मेदवार
न्यूयोर्क- न्यूयोर्क सिटीको १२औं जिल्ला प्रतिनिधि सभा सदस्यका लागि पूर्व राष्ट्रपति जोन एफ. केनेडीका नाति ज्याक श्लस्बर्गले उम्मेदवारी घोषणा गरेका छन्। ३२ वर्षीय श्लस्बर्गले मंगलबार सामाजिक सञ्जालमार्फत भिडियो सार्वजनिक गर्दै आफूले लामो समयदेखि प्रतिनिधित्व गर्दै आएका डेमोक्र्याट सांसद जेरी नाडलरले खाली गर्न लागेको सिटमा चुनाव लड्ने बताए।
श्लस्बर्गले भने, “यो जिल्लाले आफ्नो सृजनात्मकता, ऊर्जा र उत्साहलाई वाशिङ्टनमा राजनीतिक शक्ति बनाउन सक्ने प्रतिनिधि पाउनुपर्छ।” उनले बुधबारदेखि आधिकारिक रूपमा चुनाव अभियान सुरु गर्ने जानकारी पनि दिएका छन्।
सामाजिक सञ्जालमा सक्रिय श्लस्बर्गले राष्ट्रिय मुद्दाहरूमा नियमित टिप्पणी गर्दै ठूलो संख्यामा समर्थक जुटाएका छन्। उनले स्वास्थ्य सचिव रहेका आफ्ना काका रोबर्ट एफ. केनेडी जूनियरलाई समेत आलोचना गरेका छन्।
नाडलरले १७ कार्यकालसम्म प्रतिनिधि सभा सदस्य रहिसकेका छन्। उनले यसपटक पुनः उम्मेदवारी नदिने घोषणा गर्दै न्यूयोर्क टाइम्सलाई भनेका थिए, “अब युवा डेमोक्र्याटले यो सिट सम्हाल्दा अझ राम्रो गर्न सक्छ।”
१२औं जिल्ला म्यानहट्टनको अपर वेस्ट साइड, अपर ईस्ट साइड र मिडटाउन क्षेत्र समेट्छ।
