अमेरिकी कांग्रेसद्वारा क्यारेवियनमा ‘ड्रग बोट’माथि दोस्रो आक्रमणबारे छानबिन सुरु
वासिङटन – अमेरिकी House र Senate Armed Services समितिहरूले गत सेप्टेम्बरमा क्यारेवियन क्षेत्रमा भएको भनिएको ‘ड्रग बोट’माथि दोस्रो आक्रमणबारे छानबिन सुरु गरेका छन्। Washington Post का अनुसार पहिलो आक्रमणपछि बाँचेका दुई व्यक्तिलाई मार्न दोस्रो आक्रमण गरिएको आरोप छ।
रक्षा मन्त्री पिट हेग्सेथले सबैलाई मार्ने मौखिक आदेश दिएको दाबी गरिएको छ। तर पेन्टागनले यो समाचारलाई “पूर्ण रूपमा गलत” भनेको छ। हेग्सेथले सामाजिक सञ्जालमा आक्रमणलाई “घातक, कानुनी र आतंकवादी समूहविरुद्धको अभियान” भनेर बचाउ गरेका छन्।
सेनेट र प्रतिनिधि सभाका दुवै समितिले रक्षा मन्त्रालयसँग तथ्य स्पष्ट पार्ने प्रतिबद्धता जनाएका छन्। अहिलेसम्म क्यारेवियन क्षेत्रमा करिब दुई दर्जन आक्रमण भइसकेका छन्, जसमा कम्तीमा ८२ जनाको मृत्यु भएको छ।
राष्ट्रपति डोनाल्ड ट्रम्पले भेनेजुएलामाथि दबाब बढाउँदै “हवाई क्षेत्र बन्द” घोषणा गरेका छन्। उनले कांग्रेसको अनुमोदन बिना नै ड्रग तस्करलाई मार्ने नीति अघि बढाउने बताएका छन्।
