ब्राउन विश्वविद्यालय गोलीकाण्ड : ‘Person of Interest’ मुक्त, आक्रमणकारी खोजी जारी

न्युयोर्क- शनिबार ब्राउन विश्वविद्यालयमा भएको सामूहिक गोलीकाण्डमा संलग्न आशङ्कामा पक्राउ गरिएको २४ वर्षीय युवकलाई प्रहरीले आइतबार साँझ मुक्त गरेको छ। अधिकारीहरूले प्रमाण अब फरक दिशातर्फ देखिएको भन्दै उनलाई हिरासतमा राख्ने कारण नभएको बताए।

घटनामा दुई विद्यार्थीको मृत्यु भएको थियो भने नौ जना घाइते भएका थिए। एफबीआईको सूचनामा आधारित भएर युवकलाई पक्राउ गरिएको भए पनि अब अनुसन्धान अन्य दिशामा केन्द्रित भएको छ।

रोड आइल्याण्डका गभर्नर ड्यान म्याक्कीले युवकलाई राष्ट्रिय स्तरको ध्यानमा ल्याउनु दुर्भाग्यपूर्ण भएको बताए। प्रहरी प्रमुख अस्कर पेरेजले अनुसन्धान अझै जारी रहेको र आक्रमणकारीको खोजी भइरहेको स्पष्ट पारे।

मेयर ब्रेट स्माइलीले समुदायमा सुरक्षाबारे चिन्ता बढ्न सक्ने स्वीकार गर्दै शहरमा अतिरिक्त प्रहरी परिचालन गरिएको बताए। shelter-in-place आदेश भने जारी गरिएको छैन।

गोलीकाण्ड विश्वविद्यालयको Barus & Holley भवनमा भएको थियो। घाइते विद्यार्थीहरूमध्ये केहीले सक्रिय शूटर अभ्यासले आफूलाई बचाउन सहयोग गरेको बताएका छन्।