ट्रम्पले बालबालिकालाई सान्ता आउँदैछ भनी बताए, सैनिकलाई धन्यवाद दिए
फ्लोरिडा- राष्ट्रपति डोनाल्ड ट्रम्प र प्रथम महिला मेलानिया ट्रम्पले NORAD Santa Tracker मार्फत अमेरिकाभरका बालबालिकासँग कुरा गर्दै सान्ता क्लजको आगमनबारे जानकारी दिए। फ्लोरिडाको पाम बीचस्थित मार–ए–लागो रिसोर्टबाट गरिएको कार्यक्रममा बालबालिकाले सान्ताबारे प्रश्न गर्दा ट्रम्पले “सान्ता अहिले स्विडेनमा छन्” भन्दै रमाइलो उत्तर दिए।
बालबालिकासँगको संवादपछि ट्रम्पले अमेरिकी सैनिकहरूसँग फोनमार्फत कुरा गर्दै उनीहरूको सेवाप्रति आभार प्रकट गरे। उनले सैनिकलाई “देशलाई सुरक्षित, बलियो र स्वतन्त्र राख्न गरेको योगदानका लागि सम्पूर्ण अमेरिकनको कृतज्ञता” व्यक्त गर्दै क्रिसमसको शुभकामना दिए। साथै, सैनिक परिवारलाई प्रार्थनामा सम्झिएको उल्लेख गर्दै विशेष कर–मुक्त “warrior dividend” रकम खातामा जम्मा भएको जानकारी पनि गराए।
यस कार्यक्रमले बालबालिकालाई उत्सवको खुसी दिलाउनुका साथै सैनिकलाई सम्मान र धन्यवाद व्यक्त गरेको छ।
