क्यालिफोर्नियामा ‘आइसीई अपरेसन हाइवे सेन्टिनल’ : १०१ अवैध ट्रक चालक पक्राउ
क्यालिफोर्निया- अमेरिकी संघीय निकाय आइसीई अन्तर्गतको गृह सुरक्षा अनुसन्धानले क्यालिफोर्नियामा सञ्चालन गरेको ‘अपरेसन हाइवे सेन्टिनल’अन्तर्गत १०१ जना अवैध ट्रक चालकलाई पक्राउ गरेको छ।
यो कारबाही सान फ्रान्सिस्को र लस एन्जलसस्थित गृह सुरक्षा अनुसन्धान कार्यालयले अन्य संघीय निकायसँग सहकार्य गरेर सम्पन्न गरेको हो।
अधिकारीहरूका अनुसार गभर्नर ग्याभिन न्युसमको नीतिअनुसार अवैध आप्रवासीलाई व्यावसायिक ट्रक चालकको लाइसेन्स (व्यावसायिक चालक अनुमतिपत्र – CDL) जारी गरिँदा उनीहरूले विभिन्न राज्यमा घातक दुर्घटना गराएका थिए।
यस कारबाहीलाई ‘साक्रामेन्टो गृह सुरक्षा कार्यदल’अन्तर्गत आइसीई, एफबीआई, आयकर विभागको आपराधिक अनुसन्धान शाखा र डीईएको सहकार्यमा सम्पन्न गरिएको हो।
पक्राउ परेकामध्ये भारत, मेक्सिको, कोलम्बिया, उज्बेकिस्तान, युक्रेन, निकारागुवा, रसिया, जर्जिया, भेनेजुएला, एल साल्भाडोर र होन्डुरसका नागरिक रहेका छन्। उनीहरूलाई आप्रवासन प्रक्रिया पूरा नभएसम्म आइसीईको हिरासतमा राखिनेछ।
यसै क्रममा अनुसन्धानकर्ताहरूले करिब ८०० कार्गो निरीक्षण गरेका थिए, जसमा दुई जना पक्राउ परेका छन्। अमेरिकी बन्दरगाहहरूमा हुने अवैध गतिविधि रोक्न यो कारबाहीलाई आर्थिक स्थिरता र आपूर्ति शृङ्खलाको सुरक्षाका लागि आवश्यक मानिएको छ।
