साल्ट लेक सिटीमा गोली चल्दा दुईको मृत्यु: विवादपछि पार्किङ स्थलमा हिंस्रक झडप
वासिङ्टन- अमेरिकाको उटाह राज्यस्थित साल्ट लेक सिटीमा बिहीबार भएको गोलीकाण्डमा दुई जनाको ज्यान गएको छ। प्रहरीका अनुसार एक पार्किङ स्थलमा भएको आपसी झगडाले उग्र रूप लिँदा गोली चलेको थियो। यस घटनामा कुल आठ जना घाइते भएका छन्, जसमा दुई जनाको घटनास्थलमै मृत्यु भएको हो भने अन्य घाइतेमध्ये तीन जनाको अवस्था निकै गम्भीर छ।
प्रहरी प्रवक्ता ग्लेन मिल्सले संदिग्धहरूको खोजी कार्य तीव्र पारिएको र अनुसन्धान जारी रहेको बताएका छन्। अमेरिकामा पछिल्लो समय बन्दुक हिंसा एक गम्भीर सामाजिक र सुरक्षा चुनौतीको रूपमा देखा परेको छ। यसअघि मिनियापोलिस र अन्य सहरहरूमा भएका हिंसात्मक घटनाहरूले त्रसित बनाएका बेला साल्ट लेक सिटीको यो घटनाले त्यहाँको सुरक्षा व्यवस्थामाथि फेरि प्रश्न उठाएको छ।
