मोदीसँगको भेटपछि रविले भने: भारतसँग विकासको नयाँ युग सुरु हुन्छ
नयाँ दिल्ली- राष्ट्रिय स्वतन्त्र पार्टी (रास्वपा) का सभापति रवि लामिछानेले नेपाल र भारतबीच विगतका समस्याहरूलाई पन्छाएर विकासको नयाँ युग अघि बढ्ने बताए।
बुधबार भारतीय प्रधानमन्त्री नरेन्द्र मोदीसँगको भेटपछि उनले सामाजिक सञ्जालमार्फत यस्तो जानकारी दिए। रविले मोदीसँग करिब एक घण्टासम्म निकै फलदायी कुराकानी भएको बताए।
भेटमा दुई देशबीचको पुरानो सम्बन्ध, प्रविधिको विकास र सहज यातायात तथा सम्पर्क विस्तारका विषयमा गहिरो छलफल भएको उनले खुलाए। यी कुराहरूमा ध्यान दिएर मात्र दुई देशबीचको आपसी विश्वास र साझेदारीलाई बलियो बनाउन सकिने रविको भनाइ छ।
उनले आफ्नो पार्टी र दुवै देशका जनताको साझा समृद्धिका लागि यी सम्भावनाहरूलाई यथार्थमा बदल्न आफू सधैँ तयार रहेको पनि स्पष्ट पारे।
