न्युयोर्कमा भीषण हुरीबतास र आँधीको खतरा
न्युयोर्क- न्युयोर्क र आसपासका क्षेत्रमा बिहीबार र शुक्रबार भीषण हुरीबतास र सम्भावित आँधी (टोर्नाडो) आउने चेतावनी दिइएको छ। बुधबार साँझदेखि नै खराब मौसम सुरु हुनेछ।
मेयर जोहरान ममदानीले पेन्सिलभेनियाबाट आउँदै गरेको हुरीका कारण यात्रा गर्दा विशेष सावधानी अपनाउन आग्रह गरेका छन्। बिहीबार साँझ भारी वर्षा, असिना र बाढीको समेत जोखिम रहेको छ। यसका साथै, बिहीबार र शुक्रबार अत्यधिक गर्मी हुनेछ। उच्च आर्द्रताका कारण तापक्रम ९५ देखि १०२ डिग्री फरेनहाइटसम्म पुग्ने अनुमान गरिएको छ।
शनिबारदेखि भने मौसममा सुधार आउनेछ। यसले गर्दा शनिबार हुने फिफा विश्वकपको खेल र आइतबारको पोर्टो रिकन डे परेडलाई कुनै असर पर्ने छैन।
