जुलाई ४ को कार्यक्रमस्थलको घाँस बिग्रिनुमा ट्रम्पले दिए तोडफोड गर्नेलाई दोष
वासिङ्टन- अमेरिकी राष्ट्रपति डोनाल्ड ट्रम्पले वासिङ्टनस्थित नेशनल मलको घाँस बिग्रिनुमा तोडफोड गर्नेहरू (भ्यान्डल) लाई दोष दिए। तर, ठीक त्यही ठाउँमा उनले गत जुलाई ४ मा स्वतन्त्रता दिवसको अवसरमा ठूलो कार्यक्रम आयोजना गरेका थिए।
ट्रम्पले सामाजिक सञ्जालमा एउटा तस्बिर राख्दै घाँस बिग्रिनुमा कार्यक्रमको भिडभाड नभई तोडफोड गर्नेहरू जिम्मेवार भएको दाबी गरे। उनले दोस्रो विश्वयुद्ध स्मारक नजिकैको घाँस सुकेर खैरो भएको तस्बिर पोस्ट गरे।
तर, सार्वजनिक तस्बिरहरूले भने अर्कै कुरा देखाउँछन्। जुलाई ४ को कार्यक्रमका लागि त्यहाँ ठूलो मञ्च र दर्शक बस्ने ठाउँ बनाइएको थियो। कार्यक्रम सकिएपछि ती संरचना हटाउँदा त्यहाँको घाँस च्यापिएर मरेको देखिएको थियो।
यसअघि पनि ट्रम्पले त्यहाँको रिफ्लेक्टिङ पुल बिग्रिनुमा तोडफोड गर्नेलाई नै दोष दिएका थिए। तर, अमेरिकी अधिकारी जिनिन पिरोले त्यो खराब निर्माणको कारण भएको बताइन्। शुक्रबार मात्रै स्मारकमा रङ दलेको आरोपमा एक महिला पक्राउ परेकी छिन्, तर घाँस बिग्रिएको विषयमा प्रहरीले उनीमाथि कुनै आरोप लगाएको छैन।
