इरानलाई आत्मसमर्पण गर्न ट्रम्पको चेतावनी
न्युयोर्क- अमेरिकी राष्ट्रपति डोनाल्ड ट्रम्पले इरानको सैन्य समूह ‘आईआरजीसी’ सँग गोप्य कुराकानी भइरहेको पुष्टि गरेका छन्। फक्स न्युजसँग कुरा गर्दै उनले इरानलाई आत्मसमर्पणको सेतो झन्डा देखाउन चेतावनी दिए।
६० दिने युद्धविरामको समय सकिन लाग्दा ट्रम्पले इरानलाई कुनै पनि हालतमा परमाणु हतियार बनाउन नदिने आफ्नो मुख्य लक्ष्य भएको बताए। उनले यो विषयमा आफूलाई कुनै हतार नभएको र देशको मध्यावधि चुनावले आफ्नो निर्णयमा असर नगर्ने स्पष्ट पारे।
वार्तामा ओमानले अवरोध गरे त्यहाँ बम खसाल्ने कडा चेतावनी समेत उनले दिएका छन्। इजरायलको चुनावमा आफू बाहिरै बस्ने तर आवश्यकता पर्दा कसैलाई समर्थन गर्न सक्ने उनले बताए। हमासले हतियार बुझाइरहेकाले इजरायलले अब गाजामा आक्रमण गर्न नहुने ट्रम्पको भनाइ छ। उनले युद्धमा अहिलेसम्म थोरै मात्र अमेरिकी हतियार प्रयोग भएको पनि बताए।
