फ्रान्सका राष्ट्रपतिबाट संसद विघटन, दुई चरणमा निर्वाचन
फ्रान्सका राष्ट्रपति इमानुएल म्याक्रोनले संसद् विघटन गरेका छन्। संसद विघटनसँगै उनले जुन ३० र जुलाई ७ गरी दुई चरणमा तल्लो सदन नेशनल एसेम्बलीको निर्वाचन घोषणा गरे ।
दक्षिणपन्थी पार्टीहरूले युरोपियन युनियनको चुनावमा म्याक्रोनको केन्द्रवादी गठबन्धनलाई पराजित गरेपछि उनले आकस्मिक रुपमा संसद भंग गर्ने निर्णय गरेका हुन्।
बीबीसीका अनुसार युरोपेली संसदको मतदानमा आफ्ना प्रतिद्वन्द्वी मारिन ले पेनको नेसनल र्यालीले ठूलो जित हासिल गरेपछि उनले संसद् भंग गरेका हुन् ।
एक्जिट पोलले दक्षिणपन्थी पार्टीले ३२ प्रतिशत भोट जित्ने बाटोमा रहेको देखाएको छ । जुन क्याक्रोनको रेनसेन्स पार्टीको भन्दा दोब्बर बढी मत हो ।
