नेपाल र म्यानमारको रोमाञ्चक बराबरी
काठमाडौं । फोर नेसन्स इन्टरनेसनल वुमन्स फुटबल च्याम्पियनसिपअन्तर्गत नेपालले म्यानमारविरुद्ध दोस्रो पटक बराबरी गोल फर्काएको छ । दशरथ रङ्गशालामा जारी खेलको ४१औं मिनेटमा नेपालकी सावित्रा भण्डारीले गोल गर्दै बराबरी गोल फर्काएकी हुन् ।
पहिलोहाफमा खेल २ २ को बराबरीको स्थितिमा छ । त्यसअघि खेलको खेलको ६ मिनेटमा नै म्यानमारले अग्रता लिएको थियो । म्याट नोए खिनले करिब २५ यार्डबाट फ्रिकिकमा सिधै गोल गरेकी हुन् । नेपाली गोलकिपर अन्जन राना मगरले बललाई रोक्न सकिनन् ।
म्यानमारले अग्रतथा लिएलगत्तै नेपालले बराबरी गोल फर्कायो । खेलको ११औं मिनेटमा सविता राना मगरले बराबरी गोल गरेकी हुन् ।
सावित्रा भण्डारीले बायाँ भागबाट अगाडि बढाउँदै सिक्स यार्ड बक्समा बल पुर्याएर चलाखीपूर्ण रुपमा सवितालाई पास दिएकी थिइन् । त्यसमा सविताले ट्याप इन गर्दै राम्रो फिनसिङ गरेकी थिईन् ।
तर, खेलको १६औं मिनेटमा म्यानमारले अग्रता लिएको थियो । स्वेवि तुनको पासमा मे लुले चेस्ले बल कन्ट्रोल गरेकी थिइन् । त्यसपछि बल दुई नेपाली डिफेन्सको बिचमा थियो । गीता राना मगर बलको नजिक थिइन् तर उनले बल क्लियर गर्न नसकेपछि मे लु ले अगाडि बढेर बल प्रहार गर्दै गोल गरिन् ।
