क्विन्समा भीषण आगलागी, कालो धुवाँको मुस्लो आकाशमा फैलियो
- २७ फाल्गुन २०८१
- १ मिनेटको पढाई
न्युयोर्क- क्विन्सको एक बस्तीमा भीषण आगलागी भएपछि घना कालो धुवाँको मुस्लो आकाशभरि फैलिएको छ। दिउँसोको समयमा लागेको यस आगलागी नियन्त्रण गर्न दमकलकर्मीहरू तीव्र गतिमा परिचालन भएका छन्।
न्यूयोर्क सिटी दमकल विभाग (FDNY) ले उक्त आगलागीलाई ३-अलार्म श्रेणीमा राखी तत्कालै नियन्त्रण प्रयास थालेको हो। आगो विल्लेट्स पोइन्टस्थित ३६औँ एभिन्युमा रहेको एउटा अटो बडी शपमा दिउँसो ४:३० बजे आसपास लागेको थियो।
दमकलकर्मीहरूले आगो निभाउने प्रयास गरिरहँदा मोटो कालो धुवाँको मुस्लो माइलौं टाढाबाट देख्न सकिन्थ्यो।
हालसम्म कुनै हताहतीको रिपोर्ट आएको छैन।