न्यू जर्सीमा स्कूल बस दुर्घटना, १५ घाइते
न्युयोर्क- न्यू जर्सीको गार्डेन स्टेट पार्कवे राजमार्गमा स्कुल बस पल्टिँदा १५ जना घाइते भएका छन्, जसमा कम्तीमा एक बालक गम्भीर अवस्थामा रहेको अधिकारीहरूले बताएका छन्।
सोमबार साँझ मोंटभेलको एक्सिट १७१ नजिक बस दुर्घटनाग्रस्त भएको थियो। दुर्घटनाको कारण तत्काल स्पष्ट नभए पनि बस सडकको छेउमा खाल्डोमा पल्टिएको देखिएको छ।
बसमा ३१ जना यात्रु थिए, जसमध्ये १५ जनालाई अस्पताल लगिएको छ। हालसम्म मृत्यु भएको छैन, तर गम्भीर घाइते व्यक्तिको नाडी चलिरहेको बताइएको छ।
प्रत्यक्षदर्शीका अनुसार बसमा युवा किशोरहरू थिए, जसले पारम्परिक यहूदी पहिरन लगाएका थिए। बस न्यूयोर्क फर्किंदै थियो, तर गन्तव्य खुलाइएको छैन।
न्यू जर्सी गभर्नर फिल मर्फीले घटनाबारे जानकारी लिएको बताएका छन्। न्यू जर्सी राज्य प्रहरी र यातायात विभागले अनुसन्धान जारी राखेका छन्।
