दिल्लीमा पहिलोपटक क्लाउड सिडिङ परीक्षण, कृत्रिम वर्षाको तयारी
दिल्ली- नयाँदिल्लीको घातक प्रदूषणलाई कम गर्न भारतले पहिलोपटक क्लाउड सिडिङ परीक्षण सुरु गरेको छ।
बिहीबार दिउँसो बुराडी क्षेत्रमा सेस्ना विमानमार्फत बादलमा रासायनिक कण फायर गरेर परीक्षण गरिएको दिल्ली सरकारका मन्त्री मञ्जिन्दर सिंह सिरसाले जानकारी दिए। आइआइटी कानपुरको सहकार्यमा गरिएको यो परीक्षणले उपकरण र विमानको क्षमता मापन गरेको अधिकारीहरूले बताए।
दिल्लीकी मुख्यमन्त्री रेखा गुप्ता भन्छिन्- “मौसम मिले भने अक्टोबर २९ मा दिल्लीले पहिलो कृत्रिम वर्षा देख्न सक्छ।” तर कुन रसायन प्रयोग गरिएको भन्ने खुलाइएको छैन।
तीन करोडभन्दा बढी जनसंख्या भएको दिल्ली विश्वकै सबैभन्दा प्रदूषित सहरमध्ये एक हो। डीपीका आतसबाजीपछि ए: २.५ कणको मात्रा झनै बढेको छ। केही क्षेत्रमा विश्व स्वास्थ्य सङ्गठनको सीमाभन्दा १० गुणा बढी मापन भएको छ।
प्रदूषणले ऐतिहासिक लालकिल्लासमेत कालो हुँदै गएको अध्ययनले देखाएको छ। यस्तै अवस्थालाई नियन्त्रण गर्न दिल्लीले क्लाउड सिडिङलाई नयाँ आशाको रूपमा लिएको हो।
तर वैज्ञानिकहरू भने यसको प्रभावकारिताबारे धेरै नै शंका राख्छन् – वर्षा नहुने, अन्य क्षेत्रमा असर पर्ने जस्ता सम्भावना भन्दै।
अब हेर्न बाँकी छ, दिल्लीमा यो उपायले साँच्चै ‘स्वच्छ हावा’ फिर्ता ल्याउन सक्छ कि छैन।
