काठमाडौं ३ मा रास्वपाका पाण्डे विजयी, कुलमान पराजित
काठमाडौं – काठमाडौं क्षेत्र नम्बर ३ मा राष्ट्रिय स्वतन्त्र पार्टी (रास्वपा) का उम्मेदवार राजुनाथ पाण्डे निर्वाचित भएका छन्। शुक्रबार सम्पन्न मतगणनाको अन्तिम परिणामअनुसार पाण्डेले आफ्ना निकटतम प्रतिद्वन्द्वीलाई ठुलो मतान्तरले पराजित गर्दै जित हासिल गरेका हुन्।
काठमाडौं महानगरपालिकाका पूर्व नगर प्रहरी प्रमुख समेत रहेका पाण्डे १८ हजार ७५७ मत प्राप्त गर्दै विजयी भए। उनका निकटतम प्रतिस्पर्धी उज्यालो नेपाल पार्टीका अध्यक्ष कुलमान घिसिङले ११ हजार १७१ मत प्राप्त गरे। पाण्डेले घिसिङलाई ७ हजार ५८६ मतको अन्तरले पछि पारेका हुन्।
त्यसैगरी, नेपाली कांग्रेसका रमेश अर्याल र नेकपा एमालेका उम्मेदवारहरू यो प्रतिस्पर्धामा निकै पछाडि रहे। काठमाडौंमा रास्वपाले आफ्नो प्रभाव कायम राख्दै एकपछि अर्को क्षेत्रमा जित निकालिरहेको छ। निर्वाचन अधिकृतको कार्यालयले पाण्डेलाई प्रमाणपत्र वितरण गर्ने तयारी गरेको छ।
