न्युयोर्कमा गोली चल्यो : ३० वर्षीय युवक गम्भीर, ड्युटीमा नरहेका प्रहरीको पनि संलग्नता
न्युयोर्क- सोमबार राति न्युयोर्कको ब्रोंक्स क्षेत्रमा गोली चल्दा एक ३० वर्षीय युवक गम्भीर घाइते भएका छन्। उनको टाउकोमा गोली लागेको छ।
घाइतेलाई निजी साधनबाट स्थानीय अस्पताल पुर्याइएको छ। प्रहरीका अनुसार यस घटनामा ड्युटीमा नरहेका एक प्रहरी अधिकारीको पनि संलग्नता रहेको पाइएको छ। तर, ती प्रहरी अधिकारी घटनामा कसरी जोडिएका छन् भन्ने कुरा खुलाइएको छैन।
अहिलेसम्म कोही पक्राउ परेका छैनन्। गोली चलाउने व्यक्तिको पहिचान र घटनाको कारण पनि खुल्न सकेको छैन। प्रहरीले यस विषयमा थप अनुसन्धान गरिरहेको बताएको छ।
