नयाँ सरकार बनाउने तयारीमा बालेन, चैत १२ भित्रै प्रधानमन्त्री बन्ने सम्भावना
काठमाडौं- राष्ट्रिय स्वतन्त्र पार्टी (रास्वपा) ले ललितपुरमा आफ्ना नवनिर्वाचित सांसदहरूलाई तालिम दिइरहेको छ। चुनावमा रास्वपाले प्रत्यक्षतर्फ १२५ र समानुपातिकतर्फ ५७ सिट जितेर बहुमत ल्याएको छ।
पार्टीका वरिष्ठ नेता तथा प्रधानमन्त्रीका उमेदवार बालेन्द्र शाह (बालेन) भने सरकार चलाउने विषयमा विज्ञहरूसँगको छलफलमा व्यस्त छन्। उनले पार्टी सभापति रवि लामिछानेलाई भेटेर मन्त्रिमण्डल कस्तो बनाउने र जनताको काम कसरी छिटो गर्ने भन्ने विषयमा कुराकानी गरेका छन्। नयाँ सरकारमा स्वर्णिम वाग्ले अर्थमन्त्री र डोलप्रसाद अर्याल गृहमन्त्री बन्ने चर्चा छ।
यता सभापति लामिछाने भने बिरामी छन् र उनीविरुद्धको मुद्दा सर्वोच्च अदालतमा चलिरहेकाले उतै व्यस्त छन्।
रास्वपाका नेता गणेश पराजुलीले बालेनलाई प्रधानमन्त्री बन्न पार्टीभित्र कुनै विवाद नभएको बताए। निर्वाचन आयोगले अन्तिम नतिजा राष्ट्रपतिलाई बुझाएपछि नयाँ सरकार बन्ने प्रक्रिया सुरु हुनेछ। सबै काम सकेर चैत १० देखि १२ गतेभित्र नयाँ सरकार गठन हुने सम्भावना रहेको रास्वपाले जनाएको छ।
