नेपाल डे परेड २०२५ संयोजक मनिता गुरुङसँग गरिएकाे कुराकानी
न्यूयोर्क, राजु तामाङ — नेपाल डे परेड २०२५ को तयारी तिव्र गतिमा अघि बढिरहेका बेला, संचालन समितिका प्रमुख संयोजक मनिता गुरुङसँग गरिएको विशेष संवादमा परेडको उद्देश्य, चुनौती र प्रेरणामूलक पक्षहरू उजागर गरिएको छ। यहाँ प्रस्तुत छ संयोजक गुरुङसँग गरिएको ‘सम्बादकाे केहि अंश :
नेपाल डे परेड किन आवश्यक छ?
– “हाम्रो संस्कृति, पहिचान र एकताको प्रदर्शन हो। नेपाली समुदायलाई प्रवासमा बाँध्ने माध्यम पनि हो।”
२०२५ को परेड अघिल्ला वर्षभन्दा के फरक छ?
– “प्रदेश प्रतिनिधित्व, निर्णायक भूमिकामा महिला नेतृत्व, पारदर्शिता र युवाको समावेशीकरण मुख्य विशेषता हो।”
प्रमुख चुनौतीहरू के-के छन्?
– “समय व्यवस्थापन, स्वयंमसेवी परिचालन र समुदायको सक्रिय सहभागिता गराउनु नै मुख्य चुनौती हो।”
सबैभन्दा उत्साहजनक पक्ष के हो?
– “सयौं नेपालीहरूको सहयोग, समर्थन र गर्वका साथ अगाडि बढ्न पाउनु नै ठूलो प्रेरणा हो।”
युवाको भूमिका कस्तो छ?
– “युवा शक्ति नै हाम्रो ऊर्जा हो — मञ्च, मिडिया, प्रविधि प्रयोग र सामाजिक सञ्जाल, व्यवस्थापनदेखि नेतृत्वसम्म युवाको अग्रणी भूमिका रहेकाेछ।”
सहयोगकर्ताहरूलाई के भन्नुहुन्छ?
– “हृदयदेखि आभार, तपाईंहरूकै साथले सम्भव भएको हो यो परेड।तपाईहरुको साथ सहयोगले अझै केहि गरौं भन्ने आशा जागेको छ।”
आर्थिक पारदर्शिता कसरी सुनिश्चित गर्नुभएकाे छ?
– “सबै सहयोग रकम सार्वजनिक रूपमा प्रकाशित गरिएको छ, पूर्ण पारदर्शिताका लागि प्रतिबद्ध छौं।”
संस्कृति संरक्षणमा परेडको योगदान?
– “परेडले हाम्रो संस्कृति नयाँ पुस्तासम्म पुर्याउँछ। यो हाम्रो सम्पदा हो, हाम्रो गौरव हो।”
नागरिकलाई के सन्देश दिन चाहनुहुन्छ?
– “‘जहाँ नेपाली, त्यहाँ नेपाल।’ आउनुहोस्, एकजुट भएर आफ्नो पहिचान बचाऔँ।”
तपाईँको व्यक्तिगत प्रेरणा?
– “देशप्रेम र समुदायप्रतिको समर्पण। हामी एक भयौं भने, कुनै पनि सपना असम्भव हुँदैन।”
मनिता गुरुङको नेतृत्वमा नेपाल डे परेड २०२५ यसपटक अझ भव्य, ऐतिहासिक र प्रेरणादायी हुने अपेक्षा गरिएको छ।
