अमेरिकामा गम्भीर अपराधमा संलग्न विदेशी नागरिकहरू पक्राउ
न्युयोर्क- अमेरिकी अध्यागमन निकायले बालबालिकामाथिको यौन दुर्व्यवहार, लागुऔषध तस्करी र अवैध हतियार ओसारपसार जस्ता गम्भीर अपराधमा संलग्न विदेशी नागरिकहरूलाई पक्राउ गरेको छ। राष्ट्रपति ट्रम्प र सचिव मुलिनको प्रशासन अन्तर्गत अमेरिकालाई सुरक्षित बनाउन यो कदम चालिएको बताइएको छ।
अध्यागमन निकायकी कार्यवाहक सहायक सचिव लरेन बिसले देशको कानुन मिच्ने र गैरकानुनी रूपमा बस्ने अपराधीहरूलाई खोजी–खोजी पक्राउ गरिने बताएकी छन्। पक्राउ पर्नेहरूमा बालबालिकालाई निरन्तर यौन शोषण गरेको अभियोगमा क्यालिफोर्नियाबाट मेक्सिकोका क्यान्डिदो रामिरेज–आर्सेगा र युटाहबाट भेनेजुएलाका ब्रुनो एन्ड्रेस एनेज–हर्नान्डेज रहेका छन्। त्यस्तै, गैरकानुनी रूपमा मानिस थुनेको र हतियार चलाएको कसुरमा मेक्सिकोका म्यानुअल मोन्टेस–गार्सीया तथा लागुऔषध र हतियार ओसारपसारको आरोपमा हुम्बर्टो लिरा–ओर्टेगा र फर्नान्डो वाल्टिएरा–भिल्लासाना पक्राउ परेका छन्।
