आप्रवासी विवाद चर्कियो: स्पेन र इटलीद्वारा एकअर्काको हवाई तथा समुद्री यात्रामा कडाइ
न्युयोर्क- मोरक्कोबाट स्पेनको स्युटा टापुमा ठूलो संख्यामा आप्रवासी पसेपछि युरोपेली देश स्पेन र इटलीबीच कडा विवाद सुरु भएको छ। यसै विषयलाई लिएर दुवै देशले एकअर्काको हवाई तथा समुद्री यात्रामा कडाइ गरेका छन्।
स्पेनमा हजारौं आप्रवासी आएपछि उनीहरू आफ्नो देश छिर्न नपाऊन् भनेर इटलीले स्पेनबाट आउने यात्रुमाथि कडाइ गरेको थियो। इटलीले आगामी अगस्ट १५ सम्म सीमामा कडा जाँच गर्ने बताएको छ। इटलीको यो निर्णयबाट रिसाएको स्पेनले पनि बदलामा इटलीबाट आउने सबै यात्रुको राहदानी र भिसा जाँच गर्ने नियम ल्याएको छ। स्पेनको यो कडा नियम भने सेप्टेम्बर ७ सम्म लागू हुनेछ।
यस आप्रवासी संकटले स्पेनका प्रधानमन्त्री पेड्रो सान्चेज र इटलीकी प्रधानमन्त्री जोर्जा मेलोनीबीच तनाव बढाएको छ। फिनल्यान्ड र डेनमार्कले इटलीको कदमलाई समर्थन गरेका छन्। त्यस्तै, चेक रिपब्लिकले स्पेनलाई युरोपेली स्वतन्त्र यात्रा नियमबाटै केही समय हटाउनुपर्ने सुझाव दिएको छ।
स्पेन पुगेका अधिकांश आप्रवासीलाई केही दिनभित्रै फिर्ता पठाइएको छ। तर, करिब १४ सय बालबालिका भने अझै स्पेनमै छन्। आपराधिक समूहले गलत सूचना फैलाएका कारण एकैपटक यति धेरै मानिस स्पेन प्रवेश गरेको हुनसक्ने सरकारको अनुमान छ।
