अमेरिकाबाट फर्काइएका यातनापीडित निकारागुवा पुग्नासाथ फेरि जेलमा
अमेरिकाले देशनिकाला गरेका निकारागुवाका एक यातनापीडित स्वदेश फर्किएलगत्तै फेरि पक्राउ परेका छन्। सरकारको विरोध गरेको आरोपमा यसअघि जेल र चरम यातना भोगेका उनी ज्यान जोगाउन अमेरिका पुगेका थिए।
तर, अमेरिकी सरकारले शरण नदिई उनलाई पुनः निकारागुवा नै फर्काइदिएपछि त्यहाँका अधिकारीहरूले उनलाई सिधै जेल हालेका हुन्।
मानवअधिकारवादी संस्थाहरूले अमेरिकी सरकारको यो कदमको कडा आलोचना गरेका छन्। क्रूर मानिएको निकारागुवा सरकारका आलोचकलाई यसरी जबर्जस्ती स्वदेश फर्काउँदा उनीहरूको ज्यान थप जोखिममा पर्ने भन्दै अधिकारकर्मीहरूले गम्भीर चिन्ता व्यक्त गरेका छन्।
