अल्बानियामा अदालतभित्र न्यायाधीशको गोली हानी हत्या
तिराना – अल्बानियाको राजधानी तिरानामा एक व्यक्तिले अदालतभित्रै गोली चलाउँदा पुनरावेदन अदालतका न्यायाधीश एस्ट्रिट कालाजाको मृत्यु भएको छ।
पुलिसका अनुसार सोमबार मुद्दा सुनुवाइ भइरहेका बेला अभियुक्तले अचानक गोली चलाएका थिए। न्यायाधीशलाई अस्पताल पुर्याउँदा बाटोमै मृत्यु भएको बताइएको छ।
गोलीबाट मुद्दाको अर्को पक्षका बाबुछोरा पनि घाइते भएका छन्, दुवैको स्वास्थ्य अवस्था स्थिर रहेको चिकित्सकको भनाइ उद्धृत गर्दै प्रहरीले जनाएको छ।
स्थानीय सञ्चारमाध्यमका अनुसार मुद्दा सम्पत्ति विवादसँग सम्बन्धित थियो, र अभियुक्तले आफू मुद्दा हार्ने निश्चित भएपछि न्यायाधीशमाथि गोली चलाएको हो।
प्रधानमन्त्री एडी रामाले घटनालाई “दुखद” भन्दै बन्दुक अपराधमा कडा सजाय हुने चेतावनी दिएका छन्।
राष्ट्रपति बजराम बेगजले यसलाई “न्याय प्रणालीमाथिको भयावह आक्रमण” भनेका छन्।
अल्बानियाली कानुन अनुसार अवैध रूपमा बन्दुक राख्नेलाई तीन वर्षसम्मको जेल सजाय हुनसक्छ।
