नोबेल शान्ति पुरस्कार: इजराइल र पाकिस्तान ट्रम्पको पक्षमा
न्युयोर्क- अमेरिकी राष्ट्रपति डोनाल्ड ट्रम्पलाई धेरै समयदेखि यो पुरस्कार जित्ने इच्छा रहेको छ। उनले दाबी गरेका छन् कि उनले धेरै युद्धहरू रोक्न मद्दत गरेका छन्।
इजराइलका प्रधानमन्त्री बेन्यामिन नेतन्याहूले यस वर्षको सुरुवातमा ट्रम्पलाई नोबेल शान्ति पुरस्कारका लागि नामांकन गरेको बताएका थिए। पाकिस्तानले पनि ट्रम्पलाई यस पुरस्कारका लागि सिफारिस गरेको थियो।
पाकिस्तानले भनेको थियो कि भारत र पाकिस्तानबीच भएको युद्धविराममा ट्रम्पको ठुलो भूमिका थियो। तर भारतले यो दाबी अस्वीकार गर्दै भन्यो- युद्धविराम कुनै तेस्रो देशको मध्यस्थतामा भएको होइन।
पाकिस्तानले ट्रम्पको नाम सिफारिस गरेलगत्तै अमेरिकाले उसकै छिमेकी देश इरानमाथि बमबारी गरेको थियो। त्यसपछि पाकिस्तानको मंशा र अमेरिकाको कदम दुबैबारे प्रश्न उठे।
नोबेल शान्ति पुरस्कार, स्विडिस वैज्ञानिक, उद्योगपति र समाजसेवी आल्फ्रेड नोबेलको नाममा राखिएका छ वटा पुरस्कारमध्ये एक हो।
विजेताको चयन नर्वेकी संसदले बनाएको पाँच सदस्यीय समिति गर्छ। यदि ट्रम्पले यो पुरस्कार जिते भने धेरैले उनलाई विवादास्पद विजेता ठान्नेछन्।
तर शान्ति पुरस्कारमा राजनीति हावी हुने परम्परा पुरानै हो। त्यसैले यो पुरस्कार अरू पाँच नोबेल पुरस्कारको तुलनामा धेरै विवादित रहँदै आएको छ।
