ट्रम्पको घोषणा पछि गाजामा कस्तो माहोल छ, हमास र नेतन्याहूले के भने?
न्युयोर्क- अमेरिकी राष्ट्रपति डोनाल्ड ट्रम्पले घोषणा गरेका छन् कि इजराइल र हमासले गाजामा युद्धविराम र शान्ति समझौताको पहिलो चरणमा सहमति जनाएका छन्।
ट्रम्पले सामाजिक सञ्जालमा लेखेका छन्: “सबै बन्धक चाँडै रिहा हुनेछन्” र “इजराइलले आफ्नो सेना तोकिएको सीमाभित्र फर्काउनेछ।”
इजराइलका प्रधानमन्त्री बेन्यामिन नेतन्याहूले यो समझौता “इजराइलको लागि ठूलो दिन” भएको बताए र बिहीबार आफ्नो सरकारले बैठक बोलाएर यसलाई अनुमोदन गर्ने घोषणा गरे।
हमासले पनि समझौता पुष्टि गरेको छ, तर अहिलेसम्म उनीहरूले अदला-बदलीमा रिहा गरिने कैदीहरूको अन्तिम सूची पाएका छैनन्।
विश्व नेताहरू, इजराइली बन्धकका परिवार र युद्धबाट विस्थापितले यस समझौताको स्वागत गरेका छन्। तर यसको पूर्ण शर्तहरू अझ सार्वजनिक भएको छैन।
