बुडापेस्ट शिखर सम्मेलनमा पुटिन र ट्रम्प सहभागी हुन सक्ने सम्भावना : जेलेन्स्की
किएभ– युक्रेनी राष्ट्रपति भोलोदिमिर जेलेन्स्कीले रुसी राष्ट्रपति भ्लादिमिर पुटिन र अमेरिकी राष्ट्रपति डोनाल्ड ट्रम्प आगामी बुडापेस्ट शिखर सम्मेलनमा सहभागी हुन सक्ने बताएका छन्।
ट्रम्प र पुटिन दुवैले नजिकैको समयमा भेट हुन सक्ने सङ्केत दिएका छन्। ट्रम्पले युक्रेन–रूस युद्ध अन्त्य गर्न नयाँ शान्ति पहल अघि बढाइरहेका छन्।
जेलेन्स्कीले भने हङ्गेरीलाई सम्मेलन स्थल बनाइएकोमा असन्तुष्टि जनाउँदै हङ्गेरीका प्रधानमन्त्री भिक्टर ओरबानप्रति विश्वास नलागेको बताएका छन्।
किएभले वार्ता बुडापेस्टका साथै टर्की, स्विट्जरल्याण्ड वा भ्याटिकनजस्ता तटस्थ मुलुकमा पनि गर्न सकिने बताएको छ।
सन् १९९४ को बुडापेस्ट सम्झौतामा रूसले युक्रेनको सुरक्षा सुनिश्चित गर्ने वाचा गरेको स्मरण गर्दै जेलेन्स्कीले भने, “अर्को ‘बुडापेस्ट’ परिदृश्य पनि युक्रेनका लागि सकारात्मक नदेखिन्छ।”
ट्रम्पले भने राष्ट्रपति बनेपछि युक्रेन–रूस युद्ध चाँडो समाधान गर्नु आफ्नो प्रमुख प्राथमिकता हुने बताएका छन्।
