युद्ध र सशस्त्र द्वन्द्वमा वातावरणको दुरुपयोग रोक्ने अन्तरराष्ट्रिय दिवस मनाइँदै
न्युयोर्क- संयुक्त राष्ट्रसंघीय वातावरण कार्यक्रम (युएनइपी)को अगुवाइमा आज विश्वभर “युद्ध र सशस्त्र द्वन्द्वमा वातावरणको दुरुपयोग रोक्ने अन्तरराष्ट्रिय दिवस” मनाइँदैछ।
सन् २००१ देखि सुरु गरिएको यो दिवसले युद्ध र द्वन्द्वका बेला वातावरणमा पर्ने असरबारे जनचेतना फैलाउने उद्देश्य राखेको छ।
संयुक्त राष्ट्रसंघका महासचिव एन्टोनियो गुटेरेसले सन्देश जारी गर्दै दिगो शान्तिका लागि वातावरणीय सुरक्षा अनिवार्य भएको बताउँदै सबै देशलाई जलवायु परिवर्तन र स्रोतको दुरुपयोगविरुद्ध एकजुट हुन आग्रह गरेका छन्।
उनी भन्छन्, “जबसम्म हामी पृथ्वीको रक्षा गर्दैनौं, मानव सभ्यता सुरक्षित रहँदैन। युद्ध र वातावरणीय विनाशविरुद्ध लड्नु नै शान्ति र विकासको बाटो हो।”
