दक्षिण अफ्रिकामा हुने जी–२० सम्मेलनमा अमेरिकी अधिकारी उपस्थित नहुने ट्रम्पको भनाइ
न्युयोर्क- दक्षिण अफ्रिकामा हुने जी–२० शिखर सम्मेलनमा कुनै पनि अमेरिकी अधिकारी सहभागी नहुने घोषणा राष्ट्रपति डोनाल्ड ट्रम्पले गरेका छन्। उनले स्वेत अफ्रिकीहरू योजनाबद्ध रूपमा हत्या भएको दाबी गर्दै सम्मेलनलाई बहिष्कार गर्ने बताए।
दक्षिण अफ्रिकी सरकारले ट्रम्पको आरोपलाई खण्डन गर्दै सम्मेलन नोभेम्बर २२–२३ मा सफलतापूर्वक आयोजना हुने स्पष्ट पारे। विदेश मन्त्रालयले ‘एकता, समानता र दिगोपन’लाई अध्यक्षताको मूल विषय बनाएको छ।
यसैबीच ट्रम्पले दक्षिण अफ्रिकाबाट आयात हुने सामानमा ३० प्रतिशत कर लगाएका छन्। उनले २०२६ को जी–२० सम्मेलन आफ्नै मियामीस्थित रिसोर्टमा आयोजना गर्ने घोषणा पनि गरेका छन्।
