एनआरएनए अमेरिकाले न्युयोर्कमा ११६औं नारी दिवस मनाउँदै
न्युयोर्क– गैर आवासीय नेपाली संघ (एनआरएनए) राष्ट्रिय समन्वय परिषद अमेरिकाले ११६औं अन्तर्राष्ट्रिय नारी दिवस मनाउने भएको छ। संघले आउँदो मार्च ७ तारिखमा न्युयोर्कमा विशेष कार्यक्रम गरेर यो दिवस मनाउन लागेको हो।
यस वर्षको नारी दिवसको नारा ‘गिभ टु गेन’ तय गरिएको छ। कार्यक्रम न्युयोर्कको एल्महर्स्टस्थित (75-15 Woodside Ave) सत्य नारायण मन्दिरमा हुनेछ। कार्यक्रम दिउँसो १ बजे सुरु भएर साँझ ५ बजेसम्म चल्नेछ।
यो कार्यक्रमको संयोजन एनआरएनए महिला सचिव लक्ष्मी थापाले गरेकी छन्। एनआरएनए अमेरिकाले न्युयोर्क र आसपासमा रहेका सम्पूर्ण नेपालीलाई कार्यक्रममा उपस्थित हुन निम्तो दिएको छ।
‘नेपालीका लागि नेपाली’ भन्ने मूल नारासहित सक्रिय संस्थाले नारीहरूको सम्मान र सशक्तीकरणका लागि यो कार्यक्रम आयोजना गरेको हो।
कार्यक्रम भव्य तयारीका लागी विभिन्न सङ्घ संस्थाका प्रतिनिधिलाई समेत औपचारिक निमन्त्रणा पठाइसकिएको स्रोतले जानकारी गराएको छ !
