अमेरिकाबाट गैरकानुनी आप्रवासी फिर्ता पठाउने देशहरूको सूचीमा अफ्रिकी देश थपिए
न्युयोर्क- अमेरिकी राष्ट्रपति डोनाल्ड ट्रम्पको ठूलो मात्रामा गैरकानुनी आप्रवासी फिर्ता पठाउने कार्यक्रमअन्तर्गत यस साता रवाण्डाले अमेरिकासँग सहमति गरेर २५० जना आप्रवासी स्वीकार्ने भयो। यससँगै रवाण्डा यस प्रकारका समझदारी गर्ने आधा दर्जनभन्दा बढी देशहरूमा सामेल भएको छ।
त्यसैगरी, एस्वातिनीले पनि केही अपराधी आप्रवासीहरूलाई जुलाईमा स्वीकारेको छ, यद्यपि उनीहरूसँग औपचारिक सम्झौता छैन।
दक्षिण सुडानले पनि जुलाईमा आठ जना फिर्ता पठाएको छ।
फेब्रुअरीमा कोस्टा रिका र पानामाले पनि क्रमशः २०० जना भन्दा बढी आप्रवासीहरूलाई स्वीकार्न सहमति जनाएका थिए।
सबैभन्दा सक्रिय देश एल साल्भाडोर हो, जहाँ आप्रवासीहरूलाई फिर्ता पठाउने कार्य व्यापक रूपमा भइरहेको छ।
यी देशहरूले आप्रवासीहरूको पुनर्स्थापनामा सहयोग पुर्याउने, स्वास्थ्य सेवा र रोजगारी तालिम दिने व्यवस्था मिलाएका छन्। अमेरिकाले फिर्ता पठाउने खर्च पनि वहन गर्ने गरेको छ।
