ब्रुकलिनमा गोली चल्योः ३३ वर्षीया महिलाको मृत्यु, एक घाइते
न्युयोर्क- अमेरिकाको ब्रुकलिनमा आइतबार बिहानै चलेको गोली लागेर एक ३३ वर्षीया महिलाको मृत्यु भएको छ। उक्त घटनामा अर्का एक ३४ वर्षीय पुरुष घाइते भएका छन्।
प्रहरीले बताए अनुसार क्राउन हाइट्स क्षेत्रमा राति करिब २ बजेतिर यो घटना भएको हो। त्यहाँ एउटा सडक पार्टी भइरहेको थियो र करिब १०० जना मानिस भेला भएका थिए। भिडमा अचानक विवाद सुरु भएपछि गोली चलेको थियो।
ज्यान गुमाउने महिला ब्रुकलिनकै सोफ्रोनी हार्टजोग हुन्। उनको ढाडमा गोली लागेको थियो। घाइते पुरुषको पेटमा गोली लागेको छ र उनको अवस्था सामान्य हुने अपेक्षा गरिएको छ।
प्रहरीले यी दुवैजना झगडामा संलग्न नभई संयोगवश त्यहाँ रहेका सर्वसाधारण हुन सक्ने अनुमान गरेको छ। प्रहरीले घटनामा संलग्न दुई जनाको खोजी गरिरहेको छ र हालसम्म कसैलाई पक्राउ गरेको छैन।
