भोटेकोशी बाढी: १ हजार ३४४ शव भेटिए, ४ हजार ८९८ अझै बेपत्ता
काठमाडौं- रसुवाको भोटेकोशी नदीमा भदौ १० गते आएको विनाशकारी बाढीमा ज्यान गुमाएकामध्ये अहिलेसम्म १ हजार ३४४ जनाको शव भेटिएको छ। प्रहरीका अनुसार अझै ४ हजार ८९८ जना बेपत्ता छन्।
नेपाल प्रहरीका प्रवक्ता अविनारायण काफ्लेले भेटिएका शवमध्ये ५०१ वटा चिन्न नै नसकिने अवस्थामा रहेको बताए। हराइरहेकाहरूमा ठूलो सङ्ख्यामा स्वदेशी र विदेशी नागरिक छन्। सुरक्षा निकायले उनीहरूको निरन्तर खोजी गरिरहेका छन्।
बाढी प्रभावित क्षेत्रबाट ८ हजार ६३१ जना घाइतेको उद्धार गरिएको छ। तीमध्ये ३ हजार ६५५ जनालाई सुरक्षित स्थानमा राखिएको छ। भेटिएकामध्ये १ हजार ३० वटा शवलाई सुरक्षित रूपमा माटोमुनि गाडेर व्यवस्थापन गरिएको छ। चिन्न नसकिएका शव र हराइरहेका व्यक्तिको पहिचान गर्न मृतक र आफन्त गरी २ हजार २३२ जनाको डिएनए नमुना सङ्कलन गरिएको प्रहरीले जनाएको छ।
