एकै दिन ५ हजारभन्दा बढी अफगान नागरिक स्वदेश फर्किए
अफगानिस्तान -छिमेकी देशहरूबाट एकै दिन ९७८ अफगान परिवारका ५ हजार ४६ जना नागरिक आफ्नो देश फर्किएका छन्। सरकारी समाचार संस्था बाख्तरले सोमबार दिएको जानकारीअनुसार पछिल्लो २४ घण्टामा यति धेरै नागरिक घर फर्किएका हुन्।
स्वदेश फर्किएकामध्ये ६५३ परिवारलाई उनीहरूको आफ्नै प्रदेशमा सुरक्षित रूपमा पठाइएको छ। यसरी फर्किएका परिवारलाई तत्काल राहतस्वरूप नगद सहयोग पनि बाँडिएको समाचारमा उल्लेख छ।
