ट्रम्पको नयाँ हलको सुरक्षाका लागि मागिएको एक अर्ब डलरको प्रस्ताव अमेरिकी सिनेटमा रोकियो

न्युयोर्क- अमेरिकी सिनेटका अधिकारीले ह्वाइट हाउसको सुरक्षा र राष्ट्रपति डोनाल्ड ट्रम्पको नयाँ कार्यक्रम गर्ने ठूलो हलको लागि एक अर्ब डलर बजेट दिने प्रस्ताव अस्वीकृत गरेका छन्। रिपब्लिकन सांसदहरूले अध्यागमन र सीमा सुरक्षा निकायलाई बजेट दिने विधेयकभित्र यो प्रस्ताव पनि राखेका थिए। तर, यति ठूलो योजनालाई सामान्य बहुमतले मात्र पास हुने सानो बजेट विधेयकमा राख्न नियमले नमिल्ने भन्दै उक्त प्रस्ताव रोकिएको हो।

रिपब्लिकनहरूले भने यो प्रस्तावलाई सुधार गरेर फेरि पेस गर्ने बताएका छन्। गत महिना एक व्यक्तिले ट्रम्पलाई आक्रमण गर्ने प्रयास गरेपछि सुरक्षा निकायले यो रकम मागेको थियो। हल बनाउन निजी पैसा खर्च हुने र सरकारी पैसा नयाँ सुरक्षा जाँच केन्द्र, एजेन्टहरूको तालिम र सुरक्षामा मात्र प्रयोग हुने रिपब्लिकनहरूको दाबी छ।

डेमोक्रेटिक पार्टीका नेताहरूले भने यो निर्णयको खुसी मनाएका छन्। नेता चक सुमरले जनताले तिरेको कर ट्रम्पको हलमा खर्च हुन नदिने र फेरि प्रस्ताव आए पनि रोक्ने बताए। रिपब्लिकनहरूले सीमा सुरक्षा र अध्यागमन निकायलाई सन् २०२९ सम्म चलाउन करिब ७२ अर्ब डलरको बजेट पास गर्न खोजिरहेका छन्। त्यही बजेटमा ह्वाइट हाउसको सुरक्षा खर्च पनि जोडिएको थियो।