स्टेटन आइल्यान्डमा घरमा एसयूभी ठोक्किँदा दुई जना पक्राउ
न्युयोर्क- अमेरिकाको स्टेटन आइल्यान्डमा सोमबार बिहान एउटा अनियन्त्रित सेतो एसयूभी कार बार भत्काउँदै घरको अगाडिको भागमा ठोक्किएको छ। उक्त दुर्घटनापछि प्रहरीले दुई जनालाई नियन्त्रणमा लिएको अधिकारीहरूले बताएका छन्।
ग्रासमेयर एभिन्युमा रहेको दुई तले घरमा बिहान करिब ५ बजेतिर २०१२ मोडलको निसान रोग एसयूभी अनियन्त्रित भई ठोक्किएको थियो। दुर्घटना हुनुअघि सो क्षेत्रमा तीव्र र लापरबाहीपूर्ण तरिकाले गाडी चलाएको भन्दै स्थानीयले प्रहरीलाई खबर गरेका थिए। प्रहरी घटनास्थल पुग्दा गाडी घरभित्र घुसेको अवस्थामा भेटिएको थियो।
यस दुर्घटनामा घरभित्र रहेका कोही पनि घाइते नभएको प्रहरीले जनाएको छ। गाडी दुर्घटना गराएपछि फरार रहेका दुई व्यक्तिलाई प्रहरीले वरपरको क्षेत्रमा खोजी गरेर पक्राउ गरेको हो। पक्राउ परेका व्यक्तिहरू घाइते भए/नभएको र उनीहरूलाई नियन्त्रणमा लिनुको कारणबारे प्रहरीले थप अनुसन्धान गरिरहेको छ।
