सगरमाथा आरोही फोटो पत्रकार श्रेष्ठलाई पञ्चेबाजासहित स्वागत
विश्वको सर्वोच्च शिखर सगरमाथाको सफल आरोहण गरेकी सञ्चारकर्मी पूर्णिमा श्रेष्ठलाई सोमबार त्रिभुवन अन्तर्राष्ट्रिय विमानस्थलमा पञ्चेबाजाको टोलीले स्वागत गर्दै । उनले यो सिजनमा तीन पटक र सन् २०१८ मा एक पटक गरी चार पटक सर्वोच्च शिखर सगरमाथाको आरोहण गरिसकेकी छिन् ।
एउटैयाममा तीनपटक विश्वको सर्वोच्च शिखर सगरमाथाको आरोहण गरेर विश्व कीर्तिमान कायम गरेकी छन् । वसन्त ऋतुमा जारी सगरमाथा आरोहणमा उनले आज बिहान सगरमाथाको चुचुरोमा तेस्रोपटक पाइला टेकेर उक्त कीर्तिमान बनाएकी हुन् ।
गोरखाको आरुघाट गाउँपालिका–१० की श्रेष्ठले सन् १०१८ मा पहिलोपटक सगरमाथा आरोहण गरेकी थिइन् । उनले सगरमाथासहित विश्वका विभिन्न हिमाल आरोहण गरिसकेकी छन् ।
विश्वका ८ हजार मिटरभन्दा माथिका १४ हिमाल आरोहण अभियानमा रहेकी श्रेष्ठले गत वर्ष साउनमा पाकिस्तानस्थित विश्वकै दोस्रो अग्लो हिमाल के–टुको आरोहण गरेकी थिइन् ।
