मेरील्यान्डकी सिनेटरले ICE कार्यालयलाई ‘अन्धकारमा लुकेको दुष्टता’ भन्दै आलोचना, संघीय प्रतिनिधिहरूलाई भ्रमणबाट रोकियो
न्युयोर्क- मेरील्यान्डकी सिनेटर एन्जेला एल्सोब्रुक्सले बाल्टिमोरस्थित अमेरिकी आप्रवासन तथा भन्सार प्रवर्तन (ICE) कार्यालयमा आफू र अन्य संघीय प्रतिनिधिहरूलाई प्रवेश नदिइएको भन्दै त्यस स्थानलाई “अन्धकारमा लुकेको दुष्टता” भनेर आलोचना गरेकी छन्।
एल्सोब्रुक्स, सिनेटर क्रिस भ्यान होलेन, र कंग्रेस सदस्यहरू क्वेसी एमफुमे, जोनी ओल्स्जेव्स्की जुनियर, सारा एल्फरेथ, र ग्लेन आइभीले संयुक्त रूपमा उक्त ICE केन्द्रको अनुगमन गर्न खोजेका थिए। तर उनीहरूलाई बन्द ढोका, अनुहार छोपेका कर्मचारी र अस्पष्ट विवरणहरूको सामना गर्नु पर्यो।
ICE अधिकारीहरूले बाल्टिमोरको कार्यालय एक प्रक्रिया केन्द्र मात्र भएको दाबी गरे तापनि, प्रतिनिधिहरूले त्यहाँ पारदर्शिता नदेखिएको, सूचना दिन इन्कार गरिएको र मानवीय व्यवहारको अभाव रहेको बताए।
यस घटनाले ट्रम्प प्रशासनअन्तर्गत अप्रवासन नीतिहरूको आलोचना चर्काइरहेको छ। एल्सोब्रुक्सले संघीय सांसदहरूको निरीक्षण अधिकार अस्वीकार गर्नु “संविधानविपरीत” भएको बताइन्।
तर अर्का तर्फ, रिपब्लिकन सांसद एंडी ह्यारिसले यस भ्रमणलाई ‘क्यामराका लागि गरिएको नाटक’ भनेर आलोचना गरे। DHS र ट्रम्प प्रशासनका पदाधिकारीहरूले डेमोक्र्याटहरूलाई अवैध आप्रवासीहरूलाई संरक्षण दिएको भन्दै दोषारोपण गरेका छन्।
एल्सोब्रुक्सले भने, “राष्ट्रपतिलाई हामीमध्ये कसैको पनि वास्ता छैन,” भन्दै वर्तमान प्रशासनको मानवअधिकारप्रतिको उपेक्षाको आलोचना गरिन्।
यस घटनाले अप्रवासन मुद्दामा संघीय तहमा पार्टीगत ध्रुवीकरण अझ स्पष्ट पारेको छ।
