पुरानो उपकरणले रोकेको अमेरिकी हवाई उडान फेरि सुरु, साइबर आक्रमणको आशङ्का खारेज
न्युयोर्क- अमेरिकामा शुक्रबार केही घण्टा रोकिएका हवाई उडानहरू फेरि सञ्चालनमा आएका छन्। पुराना प्राविधिक उपकरणमा समस्या आएपछि उडानहरू रोकिएका थिए। यसमा कुनै साइबर आक्रमण वा माइक्रोसफ्टको विश्वव्यापी सेवा अवरोधको हात नरहेको अधिकारीहरूले स्पष्ट पारेका छन्।
यातायातमन्त्री सीन डफीले शुक्रबार राति सवा ८ बजेदेखि अमेरिकी हवाई क्षेत्र फेरि सञ्चालनमा आएको जानकारी दिए। हवाई ट्राफिक नियन्त्रण प्रणालीका पुराना स्विच र राउटरमा धेरै डाटा प्रवाह हुँदा उपकरणले काम गर्न छाडेको उनले बताए। उडान सेवा पूर्ण रूपमा सामान्य बन्न भने अझै केही समय लाग्नेछ।
यो घटना हुनुभन्दा एक दिन अघि मात्र सरकारले हवाई प्रणालीलाई नयाँ बनाउन संसद्सँग ३० अर्ब डलर बजेट मागेको थियो। होमल्यान्ड सेक्युरिटीमन्त्री मार्कवेन मुलिनले साइबर आक्रमणको कुनै प्रमाण नभएको र हवाई यात्रा सुरक्षित रहेको बताए। यद्यपि, सुरक्षा निकायले यसबारे थप अनुसन्धान भने गरिरहेका छन्।
