यूएईबाट हुण्डी गर्नेको गोप्य विवरण अर्थ मन्त्रालय पठाइँदै
न्युयोर्क- संयुक्त अरब इमिरेट्स (यूएई) मा रहेको नेपाली दूतावासले गैरकानुनी रूपमा पैसा पठाउने (हुण्डी) हरूको गोप्य सूचना नेपाल सरकारलाई पठाउन थालेको छ। दूतावासले हरेक महिना यस्तो जानकारी परराष्ट्र मन्त्रालय हुँदै अर्थ मन्त्रालयमा पठाउने गरेको बताए।
मङ्गलबार अत्यन्त जरुरी सूचना निकाल्दै दूतावासले हुण्डी गर्ने र पैसा जम्मा गरेर नेपाल नपठाउनेहरूको विवरण निरन्तर पठाइरहेको प्रष्ट पारे। सम्पत्ति शुद्धीकरण र आतङ्ककारी काममा हुने लगानी रोक्न यस्तो कदम चालिएको दूतावासले खुलाए।
दूतावासले यूएईमा रहेका नेपालीलाई हुण्डीको काम नगर्न र नगराउन आग्रह गरे। कसैले यस्तो गैरकानुनी काम गरेको थाहा पाएमा प्रमाणसहित दूतावासको इमेलमा उजुरी दिएर सहयोग गर्न पनि उनले अनुरोध गरे।
