न्युयोर्कमा अपरिचित व्यक्तिमाथि आक्रमणः अनुहारमा झोल पदार्थ छ्याप्दा गम्भीर घाइते
न्युयोर्क- न्युयोर्कस्थित इस्ट हार्लेममा एक व्यक्तिले ४० वर्षीय पुरुषको अनुहारमा नचिनेको तातो झोल पदार्थ छ्यापेका छन्। सोमबार राति एउटा रेस्टुरेन्टबाहिर भएको यो अनौठो आक्रमणबाट ती पुरुषको अनुहार र घाँटी नराम्ररी जलेको छ।
सार्वजनिक भएको भिडिओमा खाना पर्खिरहेका ती पुरुषको पछाडिबाट आएर एक व्यक्तिले एक्कासि आक्रमण गरेको देखिन्छ। प्रहरीका अनुसार आक्रमणकारी र पीडितबीच पहिलेदेखि कुनै चिनजान थिएन। किन आक्रमण गरियो र अनुहारमा छ्यापिएको उक्त तरल पदार्थ के थियो भन्ने अहिलेसम्म खुल्न सकेको छैन।
घटनापछि सडकमा सेतो दाग देखिएको त्यहाँका कर्मचारीले बताए। प्रहरीले अहिले यस घटनाको अनुसन्धान गरिरहेको छ। बाटो हिँड्दै गरेका मानिसमाथि विनाकारण यस्तो आक्रमण भएपछि त्यस क्षेत्रका स्थानीय डराएका छन्।
