वीरगन्जको घडिअर्वा पोखरी पुगेर सभामुख अर्यालले मनाए छठ
- २९ कार्तिक २०८३
- १ मिनेटको पढाई
सभामुख डोलप्रसाद (डिपी) अर्याल वीरगन्जको ऐतिहासिक घडिअर्वा पोखरी र नगवा पोखरीमा आयोजना गरिएको छठ पूजामा सहभागी भएका छन्। त्यहाँ पुगेर उनले पूजास्थलको अवलोकन गर्दै स्थानीय श्रद्धालुहरूसँग भेटघाट तथा कुराकानी गरे।
छठ पर्वको अवसरमा वीरगन्जका घडिअर्वा र लाछुमनवा लगायतका छठ घाटहरूलाई विशेष रूपमा सजाइएको छ। घडिअर्वा छठ पूजा व्यवस्थापन समितिका अध्यक्ष राकेश साह कानुले भारतको कोलकाताबाट कालीगढ ल्याएर पोखरी सिँगारेको बताए। उनका अनुसार त्यहाँ करिब ५ हजार ५ सय व्रतालु र हजारौँ दर्शनार्थी आउने अपेक्षा गरिएको छ।
यसैगरी, जिल्ला प्रहरी कार्यालय पर्साका प्रहरी नायब उपरीक्षक चक्रबहादुर मल्लले सम्पूर्ण घाटहरूमा सुरक्षाका लागि चौबीसै घण्टा प्रहरी खटाइएको जानकारी दिए। व्रतालुहरूले आज अस्ताउँदो र भोलि उदाउँदो सूर्यलाई अर्घ्य दिएपछि यो वर्षको छठ विधिवत् रूपमा सम्पन्न हुनेछ।